مار جرجس

ـ1ـ
شِفْتَكْ جايي عَ حْصَانَكْ
فارِس قدّيس ومُنْصانْ
يا مار جِرْجِسْ إيمانَك
وَعّى بالنّاس الإيمانْ
ـ2ـ
هانُوك الرّومان كْتيرْ
طَلْبوا مِنَّك وَثَني تْصيرْ
كرْمال أَلله حْملت النِّيرْ
وْعِمَّدْت جْيُوش الرُومانْ
ـ3ـ
التنين الْعَمْ يِنْفُخ نارْ
وِيْخَوّفْ أَطفالْ زْغارْ
حاربْتُو.. مِحَّيْت العارْ
وِتْمَجَّد فيك الإنسانْ
ـ4ـ
قالُوا إنَّك مِنْ بَيْرُوت
بِنْيُوا عَ إِسْمَك الِبْيُوتْ
شَعْبَك.. شَعْبي.. عَم بيمُوتْ
التّنين مْخَوّف لُبْنانْ
ـ5ـ
يا مار جِرْجِسْ عَمْ صَلِّي
تْخَلّصْنا مِنْ هَالْعِلِّه
حْروبْ، وأَمْراض، وْقِلّه
وتِهْجير، وْمَوْت، وْأحْزانْ
**