نعمة الله الحرديني

ـ1ـ
نعمة الله الحرديني
الإسم البيخَلّيني
صوب الجنّه طير
يا عدرا ضُمّيني
بالمشلح غطيني
ورديني طفل زْغِيرْ
ـ2ـ
قدّيس مْنِ بْلادي
مُش لازملُو شْهاده
كبيرْ.. وفعلُو كبيرْ
من أرض العِباده
عم آخُدْ زُوّاده
بهالعُمر القصيرْ
ـ3ـ
نِبَّهتْ الْبَريّه
تْخلّصْ نَفْسا هِيّي
تا ألله يْنَجِّيها
في بإيدَك شْبِيِّه
بالتَقْوى مُضْوِيّه
سْمَحْلي إقْرا فيها
ـ4ـ
يا نعمة الله بقلبي
خبّيتَك.. تا ربّي
يَعْرِف إِنّي بْحِبَّك
عمْ يِتْعَذَّب شَعْبِي
سَهِّلْ دَرْبُو وْدَرْبي
وْمَشّينا عَ درْبَك
**