شربل مخلوف قدّيسي

ـ1ـ
شربل مخلوف قدّيسي
يا قلبي عمِّرْلو كْنيسِه
زيِّنْها بْورد وِبْزَنْبَقْ
مِتْلُو بهالكون ما بيِخْلَقْ
قديسْ.. وأرضُو قِدّيسِه
ـ2ـ
دِنْيِتنا انْطفيِتْ شَمْعاتا
قْناديلا خِلْصِتْ زَيْتاتا
يا شربل ضَوّي قِنْديلَك
بالميّ.. الجرّه مقابيلك
تا تِمْحي بْنورَك عَتْماتا
ـ3ـ
بعكفرا هديتنا رسمَك
عنّايا عطيتنا إسمك
يا إسم مقدّس من ألله
مشهور بهالدنيي كلاّ
والدّم بْيِرشَحْ منْ جسمَكْ
ـ4ـ
سوسحت الدنيي بْعَجايِبْ
خِفّفتْ كْتير المَصايبْ
شربل مخلوف مين متلَكْ
فضّلتْ الدير عَ أهلَك
يسوع وإمّو الْحَبايب
**