ـ1ـ
طفل مغاره.. وشجرة عيد
الدنيي فرحانه من جْديد
يا طفل الْجايي لعنّا
فرشتِلَّك قلبي.. تهنا
غيرك بِـ قلبي ما بريد
ـ2ـ
إنتْ النّور بْعَتْم النّاس
والقربانه بالقدّاس
جايبلَكْ أحلى هديّه
إنتَ بْتَعرفْ شو هيّي:
قلبي وفكري والإحساسْ
ـ3ـ
مولود.. وْمَنَّكْ مولُودْ
من مَرْيَم بِنِتْ داوود
مار يوسفْ لِمّنْ شافَكْ
شافْ الحِكْمِه ع شفافَكْ
والقداسه الْما لْها حْدود
ـ4ـ
متواضَع.. متلَك ما في
إِله.. ومجدَك كافي
خلقتْ بْمِزوَد بَهايِم
يا ربّي الْعِزَّك دايِم
بِمشي ع دروبَك حافي
**
